डॉ. बाबासाहेब आंबेडकर यांचे शेती, पाणी आणि वीजेच्या विकासातील योगदान

Abstract

           भारतरत्न डॉ. बाबासाहेब आंबेडकर हे एक राज्यघटनेचे शिल्पकार, कायदे पंडित, शिक्षणतज्ञ, थोर समाजसुधारक, दलितांचे कैवारी म्हणून भारतीय समाजात परिचित आहेत. भारतरत्न डॉ. बाबासाहेब आंबेडकर फार मोठे अर्थशास्त्रज्ञ होते. परंतु एक अर्थतज्ञ, कृषीतज्ञ जलतज्ञ आणि विद्युत तज्ञ म्हणून फारसे परिचित नाहीत. देशाच्या आर्थिक विकासासाठी आवश्यक असणाऱ-या  सिंचन, विद्युत शक्ती, कृषी व जलवाहतूक  या पायाभूत सुविधाच्या संदर्भातील त्यांनी केलेले कार्य, मांडलेले विचार दुर्लक्षित राहिलेले आहेत.

           शेती हा भारतीय अर्थव्यवस्थेचा कणा असल्यामुळे आर्थिक विचार व सुधारणा मांडत असताना शेतीविषयक सखोल चिंतन, मनन व अभ्यासपूर्ण मांडणी केलेली दिसून येते. जागतिक पातळीवरील विविध अर्थतज्ज्ञांच्या आर्थिक विचारांचा भारतासंबंधी विचार केल्यास त्यांचे विचार व तत्वज्ञान हे काळाच्या पुढचे आहेत.