राहुरी तालुक्यातील कणगर गाव: ऐतिहासिक आणि पौराणिक परंपरांचा अभ्यास

Abstract

राहुरी तालुक्याचा परिसर हा पुरातन असून हा भाग पौराणिक काळात दंडकअरण्य म्हणून ओळखला जातो. या भागात घनदाट अरण्य होते जंगलातील झाडे तोडून गावांची निर्मिती झाली. पूर्वेला गर्भगिरीच्या डोंगरापर्यंत, दक्षिणेला सह्याद्रीच्या रांगा, पश्चिमेला डोंगर पठारांचा भाग, उत्तरेला प्रवरा नदीच्या काठी तर दक्षिणेला मुळा नदी अशा या राहुरी तालुक्याची भौगोलिक सीमा आहे. ताहराबाद येथील प्रसिध्द संत महिपती महाराज, तांभेरेचे संत मोरेश्वर महाराज, मालुंजे येथील सखाराम महाराज, देवळालीचे संत त्र्यंबकराज महाराज यांच्या वास्तव्याने पावन झालेले आहेत. राहुरी तालुकातील कनगर हे गाव सूळ्या डोंगराच्या पायथ्याशी वसलेले पौराणिक निसर्गरम्य गाव आहे.१